Penampen ingan kuta kemulihenku….
Ije me ndube ingan ndabuh pusungku….
La banci luntur keleng ateku…..
Uruk penampen kuta kekelengenku….
Kam kap kuta si meganjangna….
Sikap ingan natap-natap kuta sekelewetna….
Kuta simejile janah mehaga….
Penampen kam terberita perban ganjangna…..
Deleng sinabung jadi ture turendu
Tiganderket si jadi kecamatendu
Susuk,gunung berlawan,narigunung,kutagaluh iteruhndu
Tuhu arah kiniganjangendu jilendu labo banci terundu…
Simantekisa engkap kalak Bangun….
Meluk eluk dalan si man bentasen...
Tapi la tergejap latihna taren natap kawes kemuhen....
Keleng ateku la banci erleka nadangi kam......
Ukur siserbut banci salang ......
Ngidah jilendu si la teralang.....
Anak kuta simehamat dingen perpang...
Sierbanca aku tetap rate keleng.....
Tuhu go ndekah kita la jumpa
Megogo ate janah pusuh si ceda.....
Itaneh perlajangen sirusur erbebe....
Ndigan nge ndia maka banci tembe.....
Lawes tandang kutaneh perlanjangen.....
Si harus megegeh dingen mbue perjuangen....
Teriluh janah lalit ingan ku nuri nuri....
Nangkeli geluh dingen ngukur ngukuri wari sipepagi.....
Oh penampen.....kuta kemulihenku....
Timai kerehenku.....
Gelarndu tetap kujaga ibas pusuhku....
Janah kam tetap keleng ateku.....
