Kuan kuan kalak karo

Mejuah-juah... Adi kita kalak karo nggit kel kita ngerana erbahan peranding-andingan,enda me sada bukti bahwa kalak karo mempunyai jiwa seni si cukup tinggi.ibas kesempaten enda itulis kami me piga-piga kuan-kuan kalak karo simegati sibegi ibas tep-tep wari

1. Bagi Biang terkacip Bine : bagi ibas perbeben sidua pilehen adi dalanken retap nahe,adi gengkeng sedak 
2.  Bagi anak panah sekali itembak lanai mulih-mulih : i andingken man kalak siperantau si lanai pernah mulih-mulih
3. Bagi kerbo Penampen taren natap lupa nggagat  : Taren ngukuri masa depan piah lanai ingetna man 
4. Nipe lau e pe adi i ganggui dungna banci matuk : Uga ulina pe kalak adi i tokohi lalap dungna banci kang merawa 
5. Siangkan maka banci sihangken : Radu-radu mehuli maka banci dame
6. Sikuning-kuningen radu megersing,siageng-agengen radu mbiring  : Sisampaten radu menahang,sitokohen radu ceda 
7. Ajar bancina nge nggeluh enda : Situasi erbansa kita beluh ras megegeh 
8. Bagi gundur teruh papan  : kelengi nge tempa tapi dungna i gule kang 
9. Pilih-pilih Tebu  : Ipilihi nge tempa tapi dungna dat si lamehulina 
10. Menang ibas babah talu ibas perukuren  : Bagi kalak pertuatuaken ia akapna si jagona janah lapernah nggit talu ngerana 
11. Taren ngayak-ngayak simantadingenken piah tading siman ayaken : si lamehuli i darami piah simehuli ilupaken 
12. Bagi sinaka buluh : simesera lalap i teruh,jadi sibayak lalap ipuji-puji 
13. Bagi kalak pentang mbaru medak  : kalak simbaru sukses jadi lupa uga ndube ope denga ia sukses piah dungna bagi kalak sombong 
14. Bagi belo la ertangke,ikut bas kepiten tading bas beliganen  : Ibas latihna e lalit singingetsa ia janah la pernah i ergai

Sibar em lebe kade-kade ibas kurangna banci radu ras kita nambahisa. Bujur ras mejuah-juah........