TANEH KARO SIMALEM

Kabupaten Karo emekap salah sada Kabupaten si lit i provinsi Sumatera Utara, Indonesia. ibu kota kabupaten na i Kabanjahe. Kabupaten Karo lit Belangna wilayah 2.127,25 km2 ras jumlah pendudukna lit kurang lebih 500.000 jiwa. Kabupaten karo emekap salah sada ingan si seh kel malemna…..mejile man tatapen,tanehna mehumur,janah jelmana pe mehamet kel kerina.
Taneh Karo alu lingkungen si mejile,mbergeh janah sikap ingan kujuma ras tuhu mbue enggo si idah hasil Petani Karo cukup berhasil mendongkrak kesukses kalak karo arah Kujuma Kurumah…taneh si mehumur jadi andalen kalak karo.Salah sada hasil si seh kel terkenalna emakap RIMO ras MARKISA berastagi.
Deleng simeganjang siterberita emekap Gunung berapi Sibayak si seh asa gundari aktif janah lokasi ketinggian 2.172 meter ibas permukaan laut nari. Erti kata Sibayak Emekap Raja. Jadi Gunung Sibayak emekap Gunung Raja menurut pengertian nininta si arah perlebe suku Karo.
Tapi Megati rusur lit salah persepsi mengenai letak ras batasen terjeng ija kin Taneh Karo…????Taneh Karo rusur hanya iidentikken alu kabupaten Karo saja. Situhuna, Taneh Karo ndauh belangen asangken kai si rusur ibelasken kalak. Kabupaten Karo banci ibagi alu piga piga dearah si lit ibas Sumatra Utara:

1. Kabupaten Tanah Karo

Kabupaten Karo pemena terletak i Tanah Karo. Kota si terkenal wilayahna eme kap BERASTAGI RAS KABANJAHE . Berastagi eme salah sada jadi objek wisata si lit ibas Sumtra Utara.Ije me si terkenalna produk karo salah sadana emekap Rimo/jeruk.Janah lit ka produk si terkenal emekap produk minuman Markisa Jus si seh terkenal ku sebelang Indonesia enda.Mayoritas kalak Karo ringan i daerah pegunungan ,si tepatna i daerah Gunung Sinabung ras Gunung Sibayak janah em sirusur i gelari "Taneh Karo Simalem".

2. Kota Medan

Pendiri kota Medan emekap salah sada Putra Karo si tergelar Guru Patimpus Sembiring Pelawi.

3. Kota Binjai

Kota Binjai emekap daerah si ndeher i medan nari janah kalak karo si ringan ije biasana igelari karo Jahe.

4. Kabupaten Dairi

Wilayah Kabupaten Dairi pe banci i tandai kalak arah penghasilen wilayahna emekap perkebunen kopi si berkualitas.Sebagian kabupaten Dairi eme bagin Taneh Karo:

- Kecamatan Taneh Pinem
- Kecamatan Tiga Lingga
- Kecamatan Gunung Sitember

5. Kabupaten Deli Serdang

Kabupaten Deli Serdang si merupaken Taneh Karo eme kap:
- Kecamatan Lubuk Pakam
- Kecamatan Bangun Purba
- Kecamatan Galang
- Kecamatan Gunung Meriah
- Kecamatan Sibolangit
- Kecamatan Pancur Batu
- Kecamatan Namo Rambe
- Kecamatan Sunggal
- Kecamatan Kuta Limbaru
- Kecamatan STM Hilir
- Kecamatan Hamparan Perak
- Kecamatan Tanjung Morawa
- Kecamatan Sibiru-biru

6. Kabupaten Langkat

Taneh Karo di kabupaten Langkat eme kap:

- Kecamatan Selesai
- Kecamatan Kuala
- Kecamatan Salapian
- Kecamatan Bahorok
- Kecamatan Pd.Tualang (Batang Serangan)
- Kecamatan Sungai Bingai
- Kecamatan Stabat

7. Kabupaten Aceh Tenggara

Taneh Karo si lit i Aceh Tenggara eme kap:

- Kecamatan Lau Sigala-gala (Desa Lau Deski, Lau Perbunga, Lau Kinga)
- Kecamatan Simpang Simadam

8. Kabupaten Simalungun

Taneh Karo Kabupaten Simalungun si lit i daerah Cingkes ras sekitarna kerina.


Sumber: Dikutip dari Beberapa Sumber